Ala una na nang madaling araw nang mapagdesisyunan naming magsi-uwian. Sabay-sabay kaming naglakad palabas ng Chillax Restau-Bar at huminto upang magpaalamanan. Iba-iba kasi ang way ng sakayan namin.
“Okay ladies, cioa bellas!” sabi ni Shen sa mga kasama namin saka nagbeso. Pareho naman kasi kami ng way kaya mamaya na lang kami magpapaalamanan.
“Good night ladies. I really have so much fun tonight,” sabi naman ni Ayen.
“Good night. Thank you sa treat! Sa uulitin!” wika naman ni MJ, sabay tawa.
“Good night. See you soon again!” Nag-flying kiss pa si Thum saka kumaway sa amin. Habang kaming tatlo naman ay sumakay na ng jeep. Nasa jeep na kami nang magka-usap kami ulit ni Shen. Nakakatuwa talagang muling makasama ang makulit kong anak-anakan.
“Bakit naman ‘nak wala kang jowa ngayon?” ta
