“Playmate, naguguluhan na ako!” sabi ko kay Ayen.
Nasa Trinoma kami ngayon dahil off ko at pang-umaga naman siya. Tinext ko kasi siya kanina para magkita kami rito. Gusto ko lang nang makakausap para malinawan ang inaagiw ko na yatang utak.
“Naguguluhan ka saan?” tanong niya sa akin.
“Eh, kasi I’m torn between promotion and relationship,” nakanguso kong saad sa kaniya. “Pero okay naman kami ni Aga, wala kaming problema. Maliban sa hindi kami puwedeng mag-out sa coffee shop na kami. Kaya ang paglalambingan namin, after duty na. Iyong tipong nasa bus na kami pauwi ganoon,” sabi ko pa kay Ayen.
“Oh, ayun naman pala eh. So, bakit ka pa naguguluhan diyan?” tanong niya sa akin.
“Eeeiii! Hindi ko rin alam eh,” sagot ko sa kaniya na ikinatawa naman niya.
“Ewan ko sa iyo playmate, hindi nam
