Samantala, pagdating naman ni Nikki sa University of Summerville, bumungad sa kanya ang malaking tarpaulin na may malaking litrato niya suot ang pulang gown na may tatlong sash sa balikat habang hawak sa kabilang kamay ang trophy. Nakasulat pa sa may bandang ulo nito ang malalaking Letra na "CONGRATULATIONS, MISS NIKKI FUENTEBUELLA for being Miss ARCHITECTURE 2021."
Nakangiti nang malapad ang dalaga habang nakatanaw sa tarpaulin na bumungad sa kanya. Umaapaw sa tuwa ang puso niya at hindi niya akalain na sa isang iglap ay tutuntong siya sa stage na bitbit ang trophy bilang isa sa pinakamagandang dilag sa mga may kursong Architecture sa kanilang paaralan. Sa una, alam niyang malabong maging isa siya sa babalandara sa harap ng maraming tao. Pero nagpatuloy pa rin siya dahil sa tiwala ng mg
