" Umuwi ka na, Mr. Morales. Kaya ko naman ang sarili ko at baka may mga mahahalaga ka pang gagawin, " sabi ni Althea kay Xander.
Kanina pa nasa loob ng kwarto si Xander pero wala siyang balak na iwanan ito.
" Mag-isa ka lang dito. Walang magbabantay sa iyo, Miss Montiano, " rason ni Xander.
Nagkatitigan silang dalawa. Hindi magawang tawagin ni Althea si Jade para pumunta rito sa ospital dahil kapag ginagawa niya iyon, sasama ang anak niyang si Julio at mag-aalala ito.
" Hindi na ako bata para bantayan pa, Mr. Morales kaya maari ka nang umuwi at magpahinga, " pagpupumilit ni Althea pero parang walang narinig si Xander.
Kunuha ng upuan si Xander at umupo sa tabi ng kama kung nasaan nakahiga si Althea.
" Ang Buenaventura ang dahipan kung bakit ka nandito, Miss Montiano kaya kung m
