" Anong ginagawa dito ng walang hiyang Xander na iyon dito? " may diing tanong ni Jade kay Althea.
" Siya ang nagbantay sa akin kagabi, " sagot ni Althea habang nakatingin sa kanyang anak na abalang naglalaro sa may mesa dito sa loob ng kwarto niya.
" Huwag mong sabihin na alam na ni Xander kung sino ka talaga, Althea? "
" Wala siyang alam, Jade at hindi ko hahayaan na malalaman niya ang tunay kong katauhan, " sagot ni Althea sa kanya.
" Hindi natin alam, Althea. Kilala mo si Xander, matalino ang asawa mo, malakas ang pakiramdam niya at kapag kinutuban siya, aalamin niya ang sagot sa mga tanong niya, " paalala ni Jade kay Althea.
Alam ni Althea tungkol sa kung ano ang kakayahan ni Xander. Hanggang hindi nasasagot ang mga katanungan niya sa kanyang sarili ay gagawa ng paraan si Xa
