Magkahawak kamay silang nag lalakad papasok sa isang Mansion kung saan imbitado silang mag-asawa. May salo-salo na ginanap sa isa sa mga pamilya ni Quinn kung kaya't pinaunlakan nila ang imbitasyon ng mga ito.
Madami nang tao at halos mapuno na pati ang garden ng Mansion.
Komportable ang asawa niya habang magkahugpong ang mga kamay nila pero siya ay medyo hindi komportable. Bukod kasi sa hindi niya pa totally nakikilala ang lahat ng pamilya ng mga Salem ay pinagtitinginan din sila ng ilang bisita.
Mahiyain siya sapul. May hitsura at kilalang Engineer ang asawa niya kaya malamang pagtitinginan talaga sila. O baka may iba pang dahilan para tingnan sila ng dikit.
“Diba magkapatid sila?”
Napalingon siya sa isang Ginang nang marinig ang sinabi nito. Bulong lamang pero may kalakasan par
