AKEESHA'S POV
"Ate Akeesha!"
Tumakbo palapit sa akin si Marie at agad niya akong niyakap. Alas otso pa lang ng umaga ay nandito na agad kami sa ampunan para makilala ang babaeng sinasabi ni Mother Superior Selena kahapon. Medyo masakit pa nga ang ulo ko at mugto pa ang mga mata ko dahil sa pag-iyak ko kagabi. Ang sabi sa akin ni Ryan ay nakatulugan ko na raw ang pag-iyam kaya napagpasyahan nila na sama-sama kaming matulog sa salas. Nang magising ako ay nakahanda na ang almusal na si Ryan ang nagprepare at ramdam ko ang pag-alaga at pag-alalay sa akin ng mga kaibigan ko.
"Bumalik po kayo," masayang sabi pa ni Marie.
Inayos ko ang mga buhok na nakaharang sa mukha niya. Sa saglit naming pag-uusap kahapon ay napalapit na ang loob ko sa kaniya. Hindi na nakakapagtaka na lahat ng bata sa amp
