ATHENA'S POV
Maaga kaming gumising upang makarating agad sa Fire Kingdom. Marami rin kaming dalang damit dahil balak naming mag-overnight kina John. Mayroon kasi silang rooftop na maaari raw naming tulugan dahil presko ang hangin doon. Safe naman daw doong matulog kahit na open space 'yun.
"Good morning mga hijo at hija," bati sa amin ng mama ni John.
"Good morning po," sabay sabay naman naming tugon.
"Ma, ito si Riya, Jethro, Ryan, Akeesha at syempre si Athena. And guys, siya ang mama ko," pagpapakilala ni John.
"Natutuwa akong makilala ang mga kaibigan ng anak ko. Hala, pasok kayo sa munti naming bahay," magiliw niyang sabi.
Isa-isang pumasok sina Riya at nagpahuli ako. Agad naman akong nginitian ng mama ni John nang ako na ang papasok sa bahay. "Nakakatuwang makita ka ulit Athena,
