EHRIS' POV
Habang nagme-meditate ako ay hindi ko maiwasan ang isipin ang ginawa kong pagmamakaawa kay Akeesha para piliin niya ang pagiging Psyche. Hindi ko inaasahan na luluhod ako sa kaniya para iligtas sa kaparusahan si Aries. Ganoon naman talaga dapat kapag nagmamahal 'di ba?
Isang buntong hininga ang pinakawalan ko at lumubog ako sa tubig upang kumalma ang isip ko. Ngunit sa paglubog ko ay sari-saring pangyayari ang biglang pumasok sa isip ko.
Pagkatapos ng isang gabing may nangyari sa amin ni Aries ay nagpakalayo na ako at nagtago sa kagubatan. Doon ko hinintay ang araw ng pagtatakda ko bilang isang Emotion Psyche. Ngunit naantala ang pagtatakda ko nang malaman kong nagdadalantao ako. Kaya hihintayin ko muna ang panganganak ko bago ako itakda.
Sa ika-siyam na buwan ng pagbubuntis
