AKEESHA'S POV
"Akeesha, bangon na. Baka ma-late tayo sa training," panggigising sa akin ni Riya.
Iminulat ko ang mga mata ko ngunit ipinikit ko rin agad ito dahil sa sobrang sakit ng ulo ko. Ang bigat din ng pakiramdam ko kahit nakahiga lang naman ako.
"Akeesha," pagtawag muli sa akin ni Riya. Hindi na siya nakatiis at lumapit na siya. Naramdaman ko na lang ang paglapat ng palad niya sa noo ko.
"Athena, pakitawag si Ryan," utos niya kay Athena at narinig ko naman ang pag-okay nito.
"Ngayon pa lang naa-absorb ng katawan mo ang pagiging isang myembro ng Junior Council Akeesha," sabi pa sa akin ni Riya.
"Anong ibig mong sabihin?" tanong ko sa kaniya habang nakapikit pa rin ako.
"Anong nangyari?" narinig kong tanong ni Ryan.
Gusto kong imulat ang mga mata ko para makita siya pero hind
