AKEESHA'S POV
"Handa ka na ba?" kinakabahang tanong sa akin ni Athena.
"Oo naman. Teka, bakit parang mas kinakabahan ka pa kaysa sa akin?" natatawa kong tanong kay Athena. First time ko kasing makitang ganito si Athena. Aligaga at halatang kinakabahan siya.
"Oo kinakabahan talaga ako at ikaw ang unang nagparamdam sa akin nito," mataray naman niyang sagot sa akin.
"Talaga? Hindi ka kinakabahan kapag nakikita mo si John?" panunukso ko sa kaniya.
Saglit siyang natigilan at masamang tumingin sa akin. Namumula ang mukha niya na ikinatawa ko naman.
"Ang dami mong sinasabi dyan. Tara na nga."
Nagsimula nang maglakad si Athena na agad ko naman siyang sinundan. Ngayong araw na kasi ang match at kasalukuyan kaming naglalakad papunta sa gymnasium. Ako ang kasali sa match pero mukhang si Athena
