Chapter 15
TROY
"Gibson!"
"Vivian!"
Isang mahigpit na yakap ang binigay namin sa isa't isa. Sa klase ng yakap namin ay para kaming hindi nagkita ng maraming taon. Kahit pa nakasalubong ko lamang siya kahapon. Kahapon ko lang din ibinigay ko kasi sa kanya ang sulat na nagsasabing magkita kami sa lugar na tagpuan talaga namin.
"Mabuti na lamang at nakapunta ka dito sa tagpuan natin," wika ko kasabay ng paghawak sa mukha ni Vivian. Gusto kong itigil ang oras habang dinadama ko ang mukha ni Vivian. Parang nalulunod ako sa saya habang nakatitig sa mga mata niya.
Isang matamis na ngiti ang binigay niya sa akin kasunod ng paghawak sa kamay ko na kinukulong pa rin ang maliit niyang mukha. Mas tumingkad ang ganda niya sa pagngiti niya. Para siyang isang anghel. Matangos ang ilong, mahahaba
