"BAKIT hindi ka nagsalita sa harap ng mga magulang ko?" tanong ni Harrison kay Junnie nang hindi inaasahang nagtagpo sila sa labas ng ospital kung saan nakaconfine si Jennie.
Dumating ito kahapon nang mabalitaan ang nangyari sa kapatid. Maging ang pamilya nito ay dumating din kahapon at ang parents naman niya ay dumalaw kanina. Buong akala niya magkakaroon na ng world war three sa kwarto ni Jennie ngunit hindi iyon nangyari.
Tumingin muna ito sa bilog na buwan na siyang nagbibigay liwanag sa madilim na kalangitan bago sinagot ang tanong niya. "Para saan pa? Wala na rin naman akong laban. Gustuhin ko man na magalit sa 'yo, wala rin namang magbabago. Ikaw pa din ang mamahalin ng kaibigan ko. Mahal ko siya. At ipinangako ko sa sarili ko noon nang mapagtanto kong gusto ko siya ay hindi ako g
