BUONG umaga ay nagkulong lang si Katharina sa kaniyang kuwarto. Kahit anong pagkatok pa ang ginawa ni Zach sa labas ng pinto ng silid niya ay hindi talaga niya ito pinagbuksan.
Ilang beses din itong nagmamakaawa na kausapin niya ito pero talagang pinairal niya ang katigasan ng kaniyang ulo, hanggang sa sumuko na ito at umalis.
Sobrang naiinis talaga siya sa pangingialam nito.
Wala itong karapatan na pakialaman ang mga desisyon niya!
Tinawagan din niya si Mrs. Smith para siguraduhin kung totoo bang ipinagpaalam siya ni Zach na um-absent na muna ngayong araw. Nang kumpirmahin nitong totoong tinawagan ito ni Zach ay itinulog na lang niya ang sobrang inis niya sa lalaki.
Ano pa nga bang magagawa niya?!
Pero ang bilis nitong sumuko sa kaniya. Pero hindi na siya dapat na magtaka pa.
Nagi
