HALOS hindi makagalaw si Katharina sa higpit ng pagkakasakal sa kaniya ni Claire. Takot na takot siya lalo na sa baby niya.
Nang ihatid siya kanina ni Zephieru sa labas ng airport ay kaagad naman siyang pumasok sa loob at habang naghihintay sa magiging flight niya ay bigla na lang sumulpot si Claire.
May dala itong baril at bago pa man siya makahingi ng tulong sa mga guard na naroon ay nahawakan na siya ni Claire at tinututukan ng baril sa kaniyang ulo.
“H’wag mo itong gawin, Claire.” Umiiyak na pakiusap niya sa babae. Nakahawak siya sa braso ni Claire na nakapalibot sa leeg niya para hindi siya tuluyang masakal.
“Galit na galit ako sa’yo!” sigaw ni Claire kahit na sobrang lapit na nito sa kaniya. “Lahat na lang ng gusto ko ay nasa sa’yo. Inagaw mo na sa akin ang lahat!”
Umiling siya
