NANG magpaalam na sina Heejhea, Sir Jacob, Yelena at ang mga magulang nito ay naiwan naman si Katharina na mag-isa sa loob ng kaniyang hospital room.
Bumangon siya sa hospital bed at saka tahimik na lumabas. Gusto sana niyang umalis na lang ng walang paalam kaya lang ay nakokonsensya naman siya. Wala rin siyang pambayad sa hospital. Dumeretso siya sa may information desk para matawagan niya ang kaniyang Mommy Felecia.
Gusto rin niyang malaman kung ano na ang nangyari matapos ang pagho-hostage sa kaniya ni Claire doon sa airport. Nag-aalala rin siya sa mga ito dahil naroon ito. At si Claire, gusto rin niyang malaman kung ano na ang nangyari sa babae.
“Puwede bang makigamit ng telepono?” paghingi niya ng permiso sa babaeng receptionist na naroon.
“Yes, Ma’am.” anito at nakangiti pang ibi
