Nakapikit nga ako pero gising na gising ang aking diwa. Narinig ko ang pagbukas ng pinto ng aming kwarto. Senyales na dumating na si Kaden. Saglit na sinilip ko ang orasan sa aking tapat at nagpaalaman ko na halos hating gabi na.
Pinikit ko muli ang aking mga mata nang marinig ang mga kaluskos ng pagkilos ni Kaden sa kwarto. Hanggang sa maramdaman ko ang paglundo ng kama at pagyakap niya sa akin. Ramdam ko pa na hinalikan niya ang aking noo bago natulog sa aking tabi. Hindi nagtagal ay narinig ko ang kalmadong paghinga ni Kaden dahil nakatulog na siya.
Napabuga ako ng malalim na hininga bago bumaling ng higa paharap sa kanya. Pinagkatitigan ko ang itsura ngayon ni Kaden. Mahahalata roon ang pagod at stress. Hindi ko sigurado kung ano ba ang pinagkakaabalahan niya nitong nakaraan para map
