Ilang beses na kinulit ko sina Jiro at Jerron na sabihin sa akin kung nasaan si Kaden. Ngunit iginigiit nila na maghintay ako dahil magpapakita na lang sa akin si Kaden kapag sa tingin niya ay pwede na.
"Pwede na saan?" Naiinis kong bulong. "Ano ba talaga ang pinag-aabalahan niya nitong mga nakaraang araw?"
Ngayon ay mag-isa ako rito sa bahay. Hinatid lamang ako kanina ni Lila pagkatapos ay umalis rin para kumuha ng ilan niyang gamit sa kanilang bahay. Kaya ito ako nakahiga sa sofa habang iniintay ang pagbabalik ni Lila.
Tumingin tingin ako ng mga post sa aking sss, IG pati na rin Twitter. Katulad ng aking inaasahan maraming nag-share ng aking kumakalat na pictures kasama pa ang masasamang komento nila laban sa akin. Aaminin ko mabigat ang aking loob sa bawat post na mababasa tungkol ro
