Nang maihain na namin sa long table ang mga nilutong putahe ni Jerron ay saglit na nagpaalam muna si Sean para sunduin ang pari at mga kasama nito sa pag-ble-blessing ng kanyang bahay. Naramdaman ko naman ang pasimpleng pagsiko sa akin ni Lila. Nang lingunin ko siya at may nginunguso siyang direksyon. Sinundan ko naman ng tingin ang gusto niyang ipakita sa akin.
Doon, nakita ko sina Kaden at Hannah. Walang reaksyon ang mukha ni Kaden habang nakalingkis kanyang braso si Hannah suot ang nakamanipis at maliit na bikini. Kaunti na lang yata ay mahuhubaran na siya sa suot niya. Kapansin pansin rin mula sa aking kinatatayuan kung paano halos idikit ni Hannah ang kanyang sarili sa aking asawa.
Napataas ako ng kilay at napakuyom ako ng kamay dahil walang ginagawa si Kaden para ilayo man lang s
