SELAH
GANADONG-GANADO si Magnus kumain. Panaka-naka ko siyang tinitingnan dahil sa kapansin-pansin ang sunod-sunod na pagsubo na ginagawa niya. Adobong manok na may karneng baboy ang pinaluto niya sa akin. Ito 'yung unang niluto ko noon para sa kanya. At hindi ko makakalimutan noon kung paano niya insultuhin ang niluto ko. Grabe 'yung effort na ginawa ko para ma-perfect ko ang lasa no'n para lang magustuhan niya at matuwa siya. Ngunit imbes na matuwa siya'y nilait niya pa at sinabihan pa ako ng masasakit na salita.
Kanina naman habang nagluluto ako'y nakabantay siya sa akin, akala siguro ay tatakas ako.
Malawak ang kusina. Kumpleto rin sa gamit. Maganda ang loob ng buong bahay at mukhang mamahalin ang mga gamit. Gusto ko sanang tanungin kung kaninong bahay ito ngunit nahiya naman akong
