Nagkanda haba haba ang leeg ko para silipin ang anak ni Tita My na nasa baby crib. Panay ang iyak at gulong gulo sa higaan na parang hindi mapakali.
Dahil sa liit ko ay hindi ko siya makita pero hindi pa rin ako tumigil. Lumingon lingon ako sa paligid at napangiti ng makakita ng isang upuan na nasa balcony ng kwarto.
Hinila ko iyon palapit sa crib kahit na hirap na hirap ako dahil sa bigat. Gusto ko kasi siyang patahanin dahil nalulungkot ako kapag naririnig ang iyak niya.
Napangiti ako nang sa wakas ay masilayan ko ang napakaganda niyang mukhang ng sa wakas ay makatungtong ako sa upuan.
"Hi baby, ako ito si First." Kumaway ako. Halos tumalon ako sa tuwa kung hindi lang ako mahuhulog sa upuan dahil sa pagtigil niya ng iyak at tumitig sa'kin. Nagkasalubong ang tingin namin habang panay
