MIKAELA MICHEL
ISANG BUWAN. Isang buwan na ang lumipas simula ng umuwi kami galing sa limang araw naming pagbabakasyon. Isang buwan na rin akong nagpapanggap na masaya na tila walang nangyari. Isang buwan ko na ring tinitiis ang hindi pag-iyak sa bawat araw na nakikita ko si Maine pero hindi niya ako kinikilalang ina kundi isa lamang kapatid.
Sa loob ng isang buwan ay naging malinaw sa'kin ang lahat, pinalabas ng mga magulang ko na kapatid ko lamang si Maine dahil nasaksihan nila kung paano ko ginustong mawala nalang ang baby na nasa sinapupunan ko kaya siguro pinili nilang itago sa'kin ang lahat para hindi ako mapasama at hindi makaapekto sa pagbalik ng katinuan ko.
Malungkot akong ngumiti sa isiping isang buwan ko na ring hindi nakikita ang lalaking minamahal ko. Siguro nga pagtataksi
