Humugot muna ng malalim na hininga si Jayden bago kumatok sa pinto ng bahay nila. Nang bumukas ang pinto ay bumungad ang kaniyang mommy na mababakas ang galak sa mukha.
"Jayden..." sambit ng mommy niya at saka siya mahigpit na niyakap.
Wala naman siyang katinag-tinag hanggang sa kumalas na nga ang mommy niya.
"Dito ka na ba ulit? Aalis ka na sa dorm ninyo?" tuwang-tuwang tanong ng mommy niya.
"No, mom... Can I come in?" sagot ni Jayden sa normal na boses.
Unti-unti namang naglaho ang galak sa mukha ni Susan, ang kaniyang mommy.
"Mom... Can I come in? Until weekends lang naman po ako rito. On monday I'll be going back there," untag niya sa kaniyang mommy.
"O-Of course! You can stay here all the time you want," sambit ni Susan.
Doon na pumasok ng tuluyan si Jayden. Naiwan ang mommy n
