Nagpunta si Meygan sa garden sa likod ng classroom nila nang tumunog ang bell hudyat na break time na. Wala siyang balak pumunta sa canteen at bumili ng pagkain lalo pa at wala si Jai. Hindi nakapasok si Jai sa araw ng Lunes na iyon dahil sinundo ito ng mga magulang nito. Isang linggo na lamang kasi ang itatagal nila sa dorm kaya naman naisipan ng parents ni Jai kunin na sa araw na iyon ang mga gamit ni Jai. Balak pa nga sanang pauwiin na ng tuluyan si Jai at huwag ng paabutin ng isang linggo ang pagsta ni Jai sa dorm ngunit nakiusap ang kaibigan niya. Sinabi ni Jai sa mga magulang nito na hayaan itong tapusin ang isang linggo sa dorm nila. Nalulungkot siya. Nalulungkot siya sa mga nangyari sa kanila ni Jai sa Wellton at alam niyang siya talaga halos ang dahilan.
"Hindi tama ang nagpapagu
