"Sopi, may pasalubong ako sa iyo!" masayang sabi ko sa kaniya.
Pagtingin ko sa kaniya ay halatang umiyak siya. Agad akong lumapit sa kaniya para yakapin siya.
Si Jarvis naman ay inilapag ang mga pinamili namin sa center table at sa lapag.
"Ate Ria, hindi ko sukat akalain na may maninira pa sa trabaho ko ngayon. Pati ang pagmo-model ko ay hinahadlangan. Paano nila naungkat ang pagtatrabaho ko noon kay Sir Nathan? Pinaparatangan nila ako na may relasyon kami ni Sir Nathan kaya ako natanggal sa trabaho. Ang iba pa ay sinasabing kumakabit ako," naiiyak na kuwento niya sa akin.
Sinilip ko ang reaction ni Jarvis. Para siyang nag-iisip nang malalim.
"Hayaan mo, na-resolve naman na iyan. Malinis na ulit ang pangalan mo sa kumpanya ninyo. Hindi ka pababayaan ng mga ka-close mo sa trabaho." Mun
