Sa sobrang pagod ko ay napahaba ang pagpapahinga ko.
Nagising lang ako nang may mag-doorbell. Mabilis na inayos ko ang sarili ko.
Ine-expect ko lang na si Sopi iyon dahil maglilipat siya ng mga gamit sa apartment ko. Hindi na ako naligo, hindi naman naiiba si Sopi.
Dali-dali kong binuksan ang pintuan. Hindi ko na inisip kung mga kawal ba iyon dahil hindi rin naman ako makikilala.
"Hala," gulat na sabi ko.
Tumalikod agad ako kay Jarvis dahil hindi pa nga ako nakakaligo, siya agad ang bumungad sa akin.
Sobrang nakakahiya na makita niya akong ganito. Nakapantulog pa ako na damit.
"O nandito ka rin pala, Kuya Jarvis? Ang galing naman, sakto kailangan namin ni Ate Ria ng tulong." Narinig ko ang boses ni Sopi sa labas.
"Pasok kayo," nahihiya kong sabi. "Sopi, ikaw na muna ang bahala rito
