"Magkakilala kayo?" tanong ni Kiana.
Hindi ko personally kilala si Jayvril kaya umiling ako. Kahit isang beses ay hindi ko pa yata siya nakikita sa personal pero ilang beses ko na siyang nakikita sa mga magazine.
Hindi pinansin ni Jayvril ang tanong ni Kiana. Umupo na lang ito sa tabi ni Kiefer. Si Kiefer ang pinakamadaldal sa kanila. Kung ano-ano ang mga topic na ikinukuwento niya. Lahat na lang yata ng bagay ang gusto niyang pag usapan.
Ang isang tahimik naman na lalaki ay si Zico, siya na yata ang kabaliktaran ni Kiefer. Hindi siya mahilig magsalita at kung mag salita man ay sobrang tipid. Ang isang babae naman ay si Seilla. Siya ang girlfriend ni Kiefer.
Sana lang ay maging kaibigan ko rin sila. Tingin ko ay maayos silang makisama. Minsan lang ako makipaghalubilo sa ibang mga bamp
