Chapter 32 : Ang Pagkabigo?
Malalakas na suntok at sipa ang ibinibigay ko sa kanya ngunit ang tanging ginagawa lang niya ay sanggahin lamang ang lahat ng ito. Mas binilisan ko pa ang pag-atake sa kanya kaya natatamaan ko siya sa kanyang katawan at minsan naman ay sa kanyang mukha. Ang nakakapagtaka lang ay hindi siya gumaganti at parang nang-iinis pa dahil siya ay nakangisi.
Ipinikit ko ang aking mga mata at nag-ipon ako ng enerhiya sa aking kamao. Binalutan ko ito ng yelo at malakas ko siyang sinuntok! Sinangga niya ito ngunit hindi iyon umubra napaatras siya ng malayo sa akin.
Hindi ako nag-aksaya ng kahit isang segundo dahil mabilis akong lumipad sa kanyang kinaroroonan at muli ko siyang inulan ng suntok at sipa. Ginagamit ko rin ang aking kakayahan para mas mapalakas pa ang aking mg
