Chapter 22: Ang Katotohanan
Nathaniel's Point of View:
Nagulat ako sa mga nakikita ko! Totoo nga yung mga pinakita ni Sierra Sinukuan sa amin ni Nilo! Nilulusob ng mga Lobo at mga mangkukulam ang Elementa!
May mga mangkukulam na nakalutang sa ere habang naglalabas ng mahika sa kanilang hawak na stick o kung tawagin nila ay wand, yung mga lobo naman ay mabilis na inaatake ang mga nahahabol nilang Elementa at agad na kinakagat sa mga leeg na agad na kinamatay nila at may mga halimaw pa silang kasama tulad ng Oni na gaya sa nakalaban namin noon sa tribo ng mga engkanto!
Sa paglilibot ko sa kabuoan ng Elementa, nakita ko kung gaano na kalaki ang nawasak! Ang mga tahanan, mga gusali ay halos umabo na! May mga nasusunog pang mga bahay, may nagtatakbuhang mga Elementa patungo kung saan-saan.
