HINDI na gaanong makakain at makatulog si Irene ng mga sumunod na araw dahil sa iniisip niya kung buntis ba siya o hindi. Marami na rin kasi siyang napapansin na pagbabago sa kaniyang sarili. Madali nang mairita ang pang-amoy niya kapag nakakaamoy siya ng matinding amoy. Lalong-lalo na kapag nagigisa siya ng bawang o sibuyas. Ayaw na ayaw na niya ang amoy niyon kahit noon ay nababanguhan siya doon. Madalas na rin ang pagsusuka niya sa umaga. Sa banyo na lang niya iyon ginagawa kapag naroon si Norman. Mabuti na lang at hindi agad ito nagigising sa umaga kaya hindi nito naaabutan ang pagsusuka niya.
At nakumpirma na nga niya na buntis siya dahil ilang buwan na siyang hindi dinadatnan ng kaniyang regla. Natatakot siya hindi lang para sa sarili niya kundi para na rin sa buhay na nabubuo sa ka
