LABIS na nasaktan si Laura sa sinabing iyon ni April sa kaniya. Pakiramdam niya tuloy ay labis silang nagkulang dito lalo na siya dahil wala man lang siyang nagawa para tulungan ito. Kahabag-habag ang hitsura ni April. Sa palagay niya ay buntis nga talaga ito at nakumpirma iyon ni Norman sa pamamagitan ng pregnancy test kit. At si Norman na mismo ang gumawa ng paraan para mailaglag ang bata sa sinapupunan ni April. Ginawa nito iyon sa mali at marahas na paraan!
Patuloy lang siya sa paghaplos sa ulo ni April habang walang tigil ang paghingi niya ng tawad dito.
“P-parang inaantok na a-ako…” anas ni April.
Paulit-ulit siyang umiling. “Hindi, April! Huwag kang matutulog. Huwag kang pipikit! Nakikiusap ako sa iyo!” Hindi na niya alam ang kaniyang gagawin. Natatakot kasi siya na baka kapag na
