PINAPAKIRAMDAMAN ni Laura si Norman pagdating nito kung may gagawin ba ito kay April. Pero hanggang matapos na sila sa kanilang hapunan ay wala namang kakaiba sa lalaki. Normal lang ang kilos nito. Katulad ng nakasanayan nito ay kasama nitong nanood ng telebisyon si April habang silang dalawa ni Irene ay magkatulong sa paghuhugas ng kanilang pinagkainan.
“Laura, kinakabahan ako para kay April…” mahinang untag ni Irene sa kaniya habang nagsasabon ito ng mga kutsara. “Nakakakaba kasi masyadong tahimik ngayon si Norman.”
“Ako din, e. Pero hindi kaya hindi naman buntis si April? May nakita kasi akong pregnancy test kit kay Norman. Baka naman negative ang result. Kasi kung positive `yon, malamang kaninang pag-uwi pa lang niya ay may gagawin na siya para mawala ang nabubuong bata sa sinapupuna
