NASA HOSPITAL NA si Edel nang magkamalay. Isang tao lang ang naroon at halatang buong magdamag siyang binantayan. Hindi niya makakilos at mailibot ang mga mata dahil sobrang sakit rin ng buong katawan. Pakiramdam niya ay bibigay na siya sa dami ng aparatong nakakabit sa kanya.
“D-dad,” halos pabulong na tawag ni Edel.
Hindi siya narinig ng lalaki. Hindi niya naman maigalaw ang kamay para haplusin ito. Malayang tinitigan ni Edel ang natutulog na ama at hindi maiwasang maalala ang araw na natuklasan niya ang lihim nito.
Pagkatapos mag-bake ng cookies at ipagtimpla ng kape ang ama ay masayang nagtungo si Edel sa loob ng opisina nito. Kailangang sumipsip siya ngayon para payagan siya nitong lumabas kasama si Ralph. Ang bago niyang manliligaw.
“Hi, dad,” nakangiting bati ni Edel at ipinaton
