TATUM'S POV
Iminulat ko ang aking mata at bumungad ang kulay itim na kisame. Nangunot ang aking noo at itinulak ang aking katawan upang makaupo, ngunit nakaramdam ulit ako ng pagkahilo at nasapo ang aking noo. Acckkk, bakit ba ganito ang ulo ko? Nakasasawa ng indahin ang sakit nito. Hinintay ko munang humupa ang sakit ko sa ulo bago ko muling itinuon ang aking atensyon sa loob ng kwarto. Walang katao-tao e.
Bumaba ako sa ibabaw ng kama at naguguluhan kung nasaan ako. Para naman malaman ay naglakad-lakad ako habang sinusuri ang paligid. Nakalabas ako ng kwarto at napansing malaki ang bahay, ang kaso nga lang ay napakatahimik. Hindi ko alam kung nasa panaginip lang ba ako o ano. Chineck ko ang kwartong nasa tabi ngunit nakita ko lang ang tahimik na opisina.
"Hoy!"
Napatalon ako sa gula
