Mari’s pov
DAHIL sa labis na pagkainip ay naglakad-lakad siya sa dalampasigan malayo sa mga kaibigan ni Dominic. Napatingin siya sa pambisig niyang orasan. Alas siyete pa lamang ng gabi. Naririnig niya ang mga tawanan ng mga kaibigan ni Dominic tanda na nagkakasiyahan ang mga ito. Sa tingin niya naman niya ay walang mapapadpad sa parteng iyon lalo pa at madilim naman ang buong paligid at tanging mga spot light na solar lamang ang nagbibigay liwanag sa buong resort. Sapat na ang liwanag non upang makita niya ang tahimik na paligid.
Hindi niya mapigilang hindi malungkot lalo pa ang wala rin si Madi sa bahay nila dahil ikakasal na rin ito kay Joaquin. Gustuhin niya man na masaksihan ang kasal nito ay hindi niya naman magawa. Alam niyang iniisip din siya ng kapatid dahil kanina pa ito tawag
