Gabriel’s pov
ANG LAKAS ng kabog nang kanyang dibdib habang hinahanap niya pa rin si Mari. Hindi niya sinunod ang gusto nito na umuwi na sila ni Tita Wilma. Sinundan niya si Mari pero sa bilis nitong pagmamaneho nito ay agad itong nawala sa kanyang paningin. Kung minsan talaga ay nagiging padalos-dalos si Mari sa mga ginagawa nito lalo pa at sa tingin nito ay pagkakataon na nitong makaganti. Hindi niya tuloy mapigilan ang hindi mag-alala lalo na at kanina pa siya kinakabahan.
“Sumagot na po ba si Dominic?” tanong niya kay Tita Wilma. Pinatawagan niya rito si Dominic upang ipaalam ang lahat pero hindi nila ito makontak. Ang kanyang kamay ay bahagyang nanginginig.
“Hindi ko nga makontak,” nag-aalalang sagot ni Tita Wilma sa kanya.
Ngayon kasi ang cremation ni Aling Rosa at Mang Bien kung
