INAKI’S POV
“Kanji, totoo ba na nagtapat ka na kay Akira?” hindi makapaniwalang tanong ko nang makita ko si Kanji na naglalakad sa hallway. Halatang masaya siya ngayon dahil nagniningning ang mga mata niya. Ni hindi niya nga yata ako napansin na makakasalubong na niya ako.
“Yes, bakit?” nagtatakang tanong naman niya sa akin.
Mapakla akong napangiti. “Hindi ka ba nag-iisip? Pabalik na tayo sa mundo natin. Kanji, nanghihina na ako,” sabi ko naman sa kaniya.
Lumingon sa paligid si Kanji para siguro alamin kung may ibang maaaring makarinig ng pag-uusap namin. Wala na akong pakialam kung may makarinig man. Ang iniisip ko na lang ngayon ay kung gaano na ka-kumplikado ang sitwayon namin. Ipinagtapat ko kay Miro na may namamagitan sa amin ni Kanji. At kapag nalaman niyang nagtapat pa rin itong
