Naunang umalis ng party si Pietro dahil sa impormasyong ibinigay ko sa kanya. Malamang ay kailangan nilang maghanda para bukas. Iniisip ko pa lang ang mga posibleng mangyari ay tila bumabaliktad na ang sikmura ko.
Balak ko sanang mag check in sa hotel para makatulog nang maayos ngayong gabi. Ayon lang ay sigurista si Pietro. Mukhang iniisip niyang tatakasan ko siya kaya may inutusan pa siyang maghatid sa ‘kin pabalik sa mansyon. At dahil ayaw kong mapagdudahan, wala akong choice kung hindi sumama rito.
Sa buong byahe ay inihanda ko ang sarili sa posibleng kaharapin. Inasahan kong maaabutan si Pietro sa mansyon, na nag-aabang ito sa ‘kin, kaya naman kabado ako nang pumasok sa loob.
Ayon lang ay katahimikan ang sumalubong sa ‘kin. Sinubukan kong tawagin ang pangalan ni Pietro pero wala ak
