Biglaan ang bakasyon namin kaya wala kaming nadalang kahit anong gamit. Akala nga ni Andeng ay may mga gamit na sa loob ng kwartong pinasukan namin. Excited pa naman sana siya pero bathrobe at toiletries lang ang nakita namin dito.
Mabuti at mabilis naman itong nasolusyunan ni Zavier. ‘Ni hindi na nga namin kinailangan pang magsabi dahil ilang minuto lang pagkatapos namin mag check-in, kumatok ang staff ng resort at nag-abot sa ‘min ng dalawang paper bags. Mga damit pang-swimming at pantulog ang laman nito. Mayroon pang ibang gamit na pwede naming kailanganin.
Pagkatapos magpalit ng damit pang-swimming, hinila na ako ni Andeng palabas ng kwarto dahil sa sobrang excitement. “Unang beses ko lang makakapagbakasyon sa resort! Ilan kaya ang pools dito?” masayang bulalas niya.
Hindi ko na
