Bumigat ang paghinga ko; bumilis din ang kabog ng dibdib ko. Gusto ko mang magtago kasama si Zavier at makaiwas sa panganib, naalala ko agad si Andeng na naiwan sa women’s dressing room. Nangamba ako para sa kaligtasan niya lalo na’t hindi man lang siya naturuan ng self defense. Malamang ay wala rin itong kamalay-malay sa nangyayari.
Nang mapansing nauunawaan ko na ang sitwasyon, inalis ni Zavier ang kamay na nakatakip sa bibig ko. Huminga ako nang malalim bago bumulong malapit sa kanyang tainga, “Si Andeng?” Agad niyang itinapat ang sariling hintuturo sa ibabaw ng kanyang labi. Mukhang kahit konting tunog lang ay dinig na dinig sa dressing room na ito.
Napilitan tuloy akong gamitin ang cellphone ko para makausap siya. Nag-type ako sa notes at dito pinaalala sa kanyang nasa kabilang kwa
