Napatakbo ako pabalik sa kama nang ibaba ni Zavier ang tawag. Nagkunwari akong natutulog pa kahit sobrang bilis ng kabog ng dibdib ko pagkatapos ng narinig kong sinabi niya sa kausap.
Ilang sandali lang ay narinig ko ang pagbukas ng pinto ng kwarto. Napapikit ako ng mariin. Hinigit ko ang hininga ko nang maramdaman ang paglapit niya sa kama.
Dapat mag-iinat na ako at magkukunwaring kakagising lang nang bigla niyang hinawakan ang mukha ko. Marahan niyang hinaplos ang pisngi ko, at isinukbit pa ang ilang hibla ng buhok sa tainga ko. May init itong hatid sa puso ko na hindi ko alam kung dapat ko bang maramdaman. Kung tulog talaga ako, hindi ko malalaman na ganito siya pagdating sa akin. May tamang salita rito e… gentle?
Kinatatakutan si Zavier ng lahat pero hindi nila alam na may ganito
