Hindi na nagpaumaga pa si Zavier sa condominium. Bukod sa baka may makakita sa kanyang tauhan ni Pietro, baka makahalata rin ang pekeng babaeng naghihintay sa kanya sa bahay. Iniimbestigahan pa ni Zavier ang totoong pagkatao nito pero sa ngayon, nalaman ko ang tunay nitong pangalan – Elena Garcia. Ibinahagi ko naman pabalik ang mga nalaman ko mula kay Pietro para mas mapadali ang kanilang trabaho.
“Kailan mo siya balak paalisin?” hindi ko napigilang itanong nang ihatid si Zavier sa pinto ng unit ko. Bumagsak ang tingin ko sa sahig, pinuno ng hangin ang magkabilang pisngi. Ramdam ko pa rin ang pamumugto ng mga mata ko dahil sa iyakan namin kanina. Pero mas kalmado na ang puso ko ngayon kahit may bigat pa ring hindi mawala-wala.
Gusto ko siyang makasama sa iisang bubong pero alam namin par
