“Ma’am…”
Sumulpot sa harapan ko si Wowee kaya mabilis akong bumaling ng tingin sa ibang direksyon sabay palis ng basang pisngi. Kinailangan ko munang huminga nang malalim bago ko siya nagawang harapin nang maayos.
“Wowee. Uhm… ano…” Hindi ako makabuo ng pangungusap dahil tumatakbo pa rin sa isip ko ang nakita; tila may kutsilyong nakabaon at tagos sa dibdib ko. May parte sa loob kong gustong isiping namalikmata lang ako – pero alam kong imposible ito dahil mas malinaw pa sa buwan ang nakita ko.
Pero bakit? Bakit hahalikan ni Zavier si Andeng? At kung totoo ang sinabi ni Pietro… bakit niya ito pakakasalan dahil lang nawala ako?
“Ma’am ba’t bigla kang nawala?” may pag-aalalang tanong ni Wowee na siyang susundo dapat sa ‘kin noong araw na ‘yon. Kung may mga tanong ako sa isip, malamang
