Batman?
Ito ang unang pumasok sa isip ko dahil sa itim nitong costume – may maskarang tumatakip sa buong mukha, tanging mga mata lang ang kita; may mahabang kapa at jacket din na mukhang armor. Sa umpisa aakalaing parte siya ng cosplay event sa mall. Pero ngayon ay nagdududa na ‘ko. Para siyang anino sa dilim na bigla na lang sumulpot kung saan.
Mula sa likuran, pinagmasdan ko nang mabuti ang taong may hawak sa ‘kin habang papalayo kami nang papalayo sa mga tauhan ni Pietro. Animo bumagal ang oras, sinubukan ko siyang kilalanin at ‘di ko namalayang nakarating na pala kami ng elevator. Mabilis kaming sumakay dito at pagsarado ng pinto, tsaka ako nagkalakas-loob kumawala sa hawak nya sa ‘kin. Hindi naman siya nanlaban. Binitawan niya ‘ko at nang lingunin ko, nanlaki ang mga mata ko nang m
