Hindi ako sigurado kung maginaw ba talaga o sadyang nanlalamig lang ako dahil sa kaba. Papunta na kami ni Zavier sa function room ng mahahaling hotel dito sa Cebu para sa Halloween masquerade party.
Ang sabi nila Wowee, huminga lang ako ng ilang beses para kumalma kapag kinakabahan. Kaya lang parang hindi naman ito epektibo sa ‘kin. Pakiramdam ko tatakasan ako ng puso sa mga oras na ‘to.
Pagkakita ko pa lang kasi sa paligid ng hotel, alam ko nang hindi ako bagay dito. Nangingibabaw ang kulay ginto, sobrang elegante at lawak, at kung tutuusin ay hindi pa ito kabuuan ng lugar. Isang malaking resort at casino kasi ang pinuntahan namin. At base sa nabasa ko online, mayroon pa itong sariling mall sa loob. Pakiramdam ko tuloy kapag humiwalay ako kay Zavier ay malaki ang posibilidad na maligaw
