"It's been two weeks now, Warren. Bakit hindi pa rin gumigising si Vladymir?"
Tahimik lamang na pinapakinggan ni Lana ang pag-uusap ng kanyang ama at ni Doc Warren. Ngunit katulad ni Igor ay nagtatankng din siya. Bakit hindi pa rin gumigising si Vlad? Dalawang linggo na simula noong inoperahan ito. Bakit hindi pa rin ito binabalikan ng malay? Bakit nananatili pa rin itong nakaratay sa ospital, may kung anu-anong tubo ang nakakabit sa katawan, walang ulirat?
"Mr. Krasny, walang definite na haba o oras kung kailan magigising ang mga comatose patients," pagpapaliwanag ni Doc Warren. "Some even takes months, or even years. Minsan, pamilya na mismo ang sumusuko at pinapatanggal ang life support ng pasyente. Hinahayaan na lang kung hanggang kailan tatagal ng walang aparato na nakakabit sa kata
