Nang magmulat ng mga mata si Lana ay maliwanag na sa loob ng kanyang silid. Mahina niyang naririnig ang tilaok ng mga manok na alaga ng kanyang kapitbahay sa tapat ng kanyang apartment at ang maingay na tunog ng lansangan.
Wala na rin si Vlad sa kanyang tabi.
Hindi niya malaman kung ano ba ang dapat niyang maramdaman. Naghahalo ang pagsundot ng kanyang konsensiya at ang inis sa nobyo niya na missing-in-action noong nakaraang gabi. Hindi tuloy malaman ng dalaga kung ano ang gagawin at kung anong alibi ang sasabihin kapag nagkita sila ni Alexei mamaya. Tiyak kasi na susunduin siya nito at sabay silang papasok sa eskuwelahang pinagtuturuan.
Tiningnan niya ang kanyang smartphone. May missed calls mula kay Alexei na kagabi pa pinadala. Nahahapo na hinagod ng dalaga ang kanyang batok. Hind
