Tinawag na ang lahat ng klase ni Mr. JV.
Naghiwalay naman sina Danica.
“Grabe. Ang bibigat ninyo, ha,” reklamo ni Danica habang hindi pa rin nawawala ang ngiti sa labi.
“Si Mariel kasi. Sabi yakap, hindi dagan,” sagot naman ni Lilian.
“Lumamon ata kayo bago ang performance, eh,” ani Rose na mas ikinatawa ng lahat.
Naagaw ang atensyon nilang lahat nang magsalita ang host sa performance nila. Nang makita niya kung sino ‘yon ay nagulat siya.
“Kuya Eze?” pabulong na sabi ni Danica.
Nang makita siya ni Ezekiel ay kinindatan lang siya nito. Ang mga audience naman ay nagsitilian sa inaakalang nagpapa-cute ito. Bahagyang natawa naman si Danica dahil sa ginawa ni Ezekiel.
“Good day, everyone. I am Ezekiel, and I will be your host for today,” pag-uumpisa niya. Naghiyawan at nagpalakpakan n
