Nakababa na ang buong klase ni Danica. Pati na rin ang Class A. Marami ang humanga sa recycled na damit ng Class A mula sa pinagtagpi-tagping sako.
Hindi na nagulat si Danica sa pagiging malikhain ng Class A dahil alam niya na hindi talaga magpapatalo ang mga ito pagdating sa performance.
“Teka, Danica. Hindi ka pa tapos.” Hinila siya ni Elle papunta sa isang gilid na may upuan.
“Ay, hindi pa tapos? Akala ko okay na,” sabi niya saka automatic na ipinikit ang mga mata para sa retouch ni Elle.
“Hindi pa. Pinutol ni Kevin pag-aayos ko sayo, eh. Saka namawis ka na agad, oh,” natatawang sabi ni Elle na mahinang ikinatawa niya rin. Dahil kung gumalaw siya ay baka tumabingi naman ang makeup niya.
“There,” ani Elle matapos ang ilang minuto na paglalagay ng kolorete sa mukha niya.
“Thank you
