NATHAN POV
Masaya kaming nag-iinuman magkakaibigan nang biglang lumapit sa amin, ang aking biyenang lalaki.
"Bakit po, Pa?" tanong ko.
Ngumiti siya at umiling. "Wala lang. Natutuwa lamang akong pagmasdan kayong magkakaibigan. Parang kailan lang, nang ipagtanggol n'yo si Lorraine. Ngayo'y may kaniya-kaniya na kayong pamilya." Sabay upo niya sa tabi ko.
"Tito Julio, kami pong magkakaibigan ay iisa ang mga ligaw ng bituka. Kaya— kahit anong problema ang dumating sa isa, ay sama-sama naming haharapin," masayang sabi ni Charles.
"Masaya ako para sa inyong magkakaibigan. Bigla ko tuloy naalala ang namayapa kong kaibigan." Sabay tingin ni papa sa puntod ni daddy. "Katulad n'yo rin kami ni Pareng Rafael. Magkasama kami sa hirap at ginhawa. Kaya pati sa sugal ay magkasama kaming nalulong. Kun
